Wednesday, May 9, 2012

ಬಿಳಿ ಪುಷ್ಪ

ನಾ ನಿನ್ನಿಂದ
ಕೋಪಿಸಲು ಬಯಸುವೆ ಪ್ರಿಯೆ
ನಿನ್ನಿಂದ ದೂರ ಹೋಗಿ
ಬರಲಾರೆ ಎಂದು ಯೋಚಿಸುವೆ ಪ್ರಿಯೆ 
ಆದರೆ ನಮ್ಮ
ಪ್ರಥಮ ಭೇಟಿಯಲಿ ನೀ ಕೊಟ್ಟ
ಬಿಳಿ ಪುಷ್ಪಗಳ ಸುಗಂಧ
ನಿನ್ನಿಂದ ನನ್ನನ್ನು
ದೂರ ಮಾಡಲಾರದು ಪ್ರಿಯೆ !

ನಿನ್ನನ್ನು ಮರೆಯುವ
ನನ್ನ ಈ ಎಲ್ಲ ಪ್ರಯತ್ನ
ಎಂದೂ ಸಫಲವಾಗದು ಪ್ರಿಯೆ
ವಸಂತ ಋತುವಲಿ
ಅರಳುವ ಸುಂದರ
ಬಿಳಿ ಪುಷ್ಪಗಳನ್ನು ನೋಡುವಾಗ
ಸದಾ ನಿನ್ನ ನೆನಪು ತಾಜವಾಗುತ್ತದೆ ಪ್ರಿಯೆ
ನಿನ್ನ ಪ್ರೀತಿಯ ಪರಿಮಳ
ನನ್ನಲ್ಲಿ ಹರಡುತ್ತದೆ ಪ್ರಿಯೆ !

ಈ ಹೂವಿನ ಹೆಸರು
ನನಗೆ ತಿಳಿದಿಲ್ಲ  ಪ್ರಿಯೆ
ಜೀವನದಲಿ ಎಂದೂ ನಾನು
ನಿನ್ನಿಂದ ದೂರವಿದ್ದಾಗ
ಜೇವನದ ಪ್ರತಿ ಏಕಾಂತದಲಿ
ಈ ಬಿಳಿ ಪುಷ್ಪಗಳ ವಸಂತ
ನನ್ನಲ್ಲಿಯೇ ಅರಳಿ
ನಿನ್ನ ಸುಂದರ ಪ್ರೀತಿಯ
ನೆನಪು ನನ್ನನ್ನು ಪುಳಕಿತಗೊಳಿಸುವುದು ಪ್ರಿಯೆ  !
by ಹರೀಶ್ ಶೆಟ್ಟಿ, ಶಿರ್ವ

No comments:

Post a Comment

ಚಂದ್ರಯಾನ

  ವಿಶ್ವದಲಿ ಏರಲಿದೆ ಇಂದು ಭಾರತದ ಮಾನ, ಚಂದ್ರನ ಮೇಲೆ ಇಳಿಯಲಿದೆ ಇಂದು ನಮ್ಮ ಚಂದ್ರಯಾನ, ನಮ್ಮ ವೈಜ್ಞಾನಿಕರ ಪರಿಶ್ರಮಕ್ಕೆ ಸಿಗುವುದು ಇಂದು ಉತ್ತಮ ಸ್ಥಾನ,  ಚಂದ್ರನ ಮೇ...